香港地生活急速，很多人放工都只想回家倒頭大睡，但睡眠質素卻是另一個困擾香港人的問題。除了工作壓力，以及一般生活習慣，日常的飲食都會左右大家的睡眠質素，想瞓返個香甜的覺必須要注意以下7大防止失眠飲食禁忌！睇睇有咩食得有咩唔食得！

瞓得好，唔好食：

1. 甜品

糖水、甜品就必需要在晚餐後先食，甚至不少人會在深宵時相約朋友到甜品鋪吹下水食個心太軟，不過瞓前食甜品會令血糖上升，並把血糖數值回到正常狀態，一下子的波動，會影響到你的睡眠質素。.

2. 炸物

道理非常簡單，油炸食物自然需要較長時間消化，即使你想睡覺，腸道依然需要不斷蠕動消化食物，很容易導致腸胃不適。肚痛又點瞓啊！

3. 吸收大量水份

飲得水多，自然想屙夜尿，要屙夜尿自然要起身，要起身啫係無得瞓。

4. 咖啡因

飲得咖啡就預咗唔瞓覺，不過並不只是咖啡含咖啡因，茶類、汽水、朱古力等同樣有它的成份。其實咖啡因主力是讓人神經興奮，從而減低眼瞓感覺。

瞓得好，記得食：

5. 乳製品、熱牛奶

要好好放鬆神經，必須吸收色胺酸以及鈣質！所以個個都會叫你飲杯熱牛奶，就係咁解。

6. 生果（香蕉、奇異果）

若對奶類製品敏感，食香蕉或奇異果同樣有異曲同工之妙

7. 果仁

若瞓前真的有點口痕，不妨食點Nuts，堅果類含有豐富鎂、鋅等礦物質，亦有放鬆神經之效。工作時吃一點亦有助提升專注力！